Lima ka motorsiklo nga expired ang rehistro gi-impound

CEBU, Philippines — Gisulod sa impounding area sa Lungsod sa Consolacion ang lima ka motorsiklo nga expired na ang rehistro diin nasayran kini sa pakisusi sa kapolisan atol sa ilang gipahigayong Comelec checkpoint diha sa Barangay Cotcot sa bisperas sa Mayo 12, 2025 midterm election.

Si Police Major Mawi Arcilla, hepe sa Liloan Police Station nagkanayon nga ang checkpoint nga ilang gpahigayon pagpangandam alang sa hapsay ug malinawon nga eleksiyon.

Matud ni Arcilla nga tumong nila ang pagpakgang sa dautang tinguha sa grupo sa mga badlongon dinhi sa Sugbo atol sa adlaw sa eleksiyon diin ilang gisugdan ang pagplastada sa maong lugar ang checkpoint sa alas 6:00 sa gabii ug ilang gitapos alas 12:00 pasa na sa kadlawon.

Gibutyag ni Arcilla nga gikan sa amihanang kalungsoran ang mga sakyanan ug motorsiklo nga ilang girikisa.                                                                                                                                      

Dugang ni Arcilla nga sa maong checkpoint nga ilang gipahigayon 80 ka motorsiklo ug 114 ka mga awto ang ilang nasusi diin ka motorsiklo ang ggidala gumikan kay expired na ang rehistro niini. (BANAT NEWS)