Dul-an 8,000 sundalo ipakatap sa Visayas

CEBU, Philippines — Dul-an sa 8,000 ka mga sundalo sa Visayas Command ang ipakatap sa tibuok Visayas aron sa pagbantay sa seguridad karong adlawa nunot sa 2025 National ug Loc Elections isip kaabag sa Commission on Election(COMELEC) ug Philippine National Police.

Kapin sa 4,000 ka personnel ubos sa Joint Task Force (JTF) Spear ang gi-deploy sa Region 6, Negros Island Region ug Region 7 samtang kapin sa 3,000 ka personnel ubos sa Joint Task Force(JTF) Storm ang gi-deploy sa Region 8.

Sa pakig-alayon sa PNP, ang deployment sa tropa sa AFP motutok sa mga areas nga gibutang sa Areas of Immediate Concern ug Areas of Grave Concern.

Aron masiguro ang real-time security monitoring gi-activate sa VISCOM ang ilang Election Monitoring Cell alang sa paspas nga koordinasyon sa tanang ahensiya. "This deployment reinforces our commitment to protect the sanctity of the electoral process. As a professional and non-partisan organization, we stand vigilant in ensuring that every Filipino can exercise their right to vote freely, without fear or intimidation," sigon ni Lieutenant General Fernando Reyeg, Commander sa VISCOM. — /IBM (BANAT NEWS)