BAKUD party nihangyo sa Comelec pagsusi sa double registration

CEBU, Philippines — Ang Barog Alang sa Kauswagan ug Demokrasya (BAKUD) nihangyo sa Commission on Elections (Comelec) nga susihon ang findings kabahin sa posibleng illegal nga double registrations sa kapin 2,000 ka registrants sa 5t District Probinsiya sa Sugbo.

Sa ilang suwat nga gipada ngadto ni Comelec chairperson George Garcia, gihangyo ni BAKUD secretary-general Adano T. Roble ang komisyon nga mohimo og tukma nga imbestigasyon ug mopada og pahibawo ngadto sa mga hingtungdan aron himoon ang delisting ug malikayan ang doble nga pagbotar karong adlawa.

“Much as we wanted to, the BAKUD Party could not initiate the filing of the necessary cases due to the limited time available since we discovered the same,” suma pa ni Roble.

Suma pa ni Atty. Guiller Ceniza, legal counsel sa BAKUD party nga sa pagkakaron nag-andam na sila og mga protest ug ila kining kumbatihon sa precinct level.

Dugang ni Ceniza nga dihang nibisita siya sa buhatan sa Comelec iyang nakita nga dunay mga botante nga nagdoble og rehistro nga narehistro sa laing mga precinct ug nakarehistro gihapon sa laing munisipalidad.

Siya nagtuo nga posibleng modaghan pa ang maong mga botante nga doble nga nakarehistro. — /MEL (BANAT NEWS)