Mandaue Food Fair gibuksan kagahapon

CEBU, Philippines — Pormal nga gibuksan ang Mandaue Food Fair 2025 sa Heritage Plaza sa siyudad sa Mandaue kagahapon sa buntag Mayo 3, 2025.

Kini maoy kabahin sa mga kalihokan nga gihan-ay sa kagamhanan sa siyudad alang sa tinuig nga piyesta ni Senyor San Jose sa matag petsa 8 sa bulan sa Mayo.

Giladlad sa mga tindahan ang daghang klase sa pagkaon nga naglakip niini ang seafoods, lechon belly, tuslob buwa, barbecue ug uban pa.

Ang Mandaue City Food Fair abli matag adlaw nga magsugod sa alas 5:00 sa hapon hangtud sa alas 11:00 sa gabii ug kini kutob lamang sa Mayo 9, 2025.                                                                                                                                    

Kauban ni Mandaue City mayor Glenn Bercede sa pormal nga pagbukas sa Mandaue Food Fair mao ang pipila ka sakop sa konseho uban usab sa chairman nga si Konsehal Dante Borbajo.

Subay sa maong kalihukan gipatuman usab ang rerouting sa mga sakyanan aron hapsay ang kadalanan paingon sa Heritage Plaza atubangan sa Mandaue City Hall. (BANAT NEWS)