Problema sa illegal nga drugas

CEBU, Philippines — Gipresentar usab sa mga kandidato pagka mayor sa dakbayan sa Sugbo ang pagsulbad sa problema sa illegal nga drugas.

Suma pa ni BOPK Mayoral Aspirant Nestor Archival nga angayan unahon pagsulbad ang ugat sa problema ug kini mao ang kakuwang sa panginabuhian ug siya misaad sa libreng tesda training.

Si Julieto Co, sa iyang bahin andam makig-alayon sa kapolisan aron hugot ang kampanya batok sa ginadili nga drugas.

Si Partido Cebuano KBL's Yogi Ruiz nipadangat sa iyang tulo ka pamaagi pagsulbad sa problema sa drugas apil niini ang pag rehab sa mga nalambigit ug paghatag sa interventions sa komunidad diin kinahanglan adunay programa ang barangay para sa kausaban sa mga drug offenders.

Samtang si kanhi mayor Michael Rama sa iyang bahin nipadayag nga ang problema sa ginadili nga drugas concern kini sa kadaghanan ilabi na sa peace and order.

Si Rama niawhag sa mga ginikanan nga manginlabot sa pagiya sa ilang mga anak sa paglikay sa ginadili nga drugas. Rowena D. Capistrano/MEL BANAT NEWS