P20 matag kilo sa bugas gipaabot nga matuman

CEBU, Philippines — Nakabaton og managlahing reaksyon gikan sa katawhan ang gitahu nga mapatuman sugod sunod semana ang tag P20 matag kilo nga bugas.

Una nini mismo si Department of Agriculture secretary Francisco Tiu Laurel Jr. ang mipahibawo nga mabaligya na dinhi sa Sugbo ang tag P20 matag kilo nga bugas diin daghan usab ang dili motuo.

Pipila ang wa mo bilib sa programa sanglit limitado lang ang makapalit sukwahi sa nahaunang saad kaniadto ni president Ferdinand “Bongbong” Marcos nga ang tanang makapahimulos sa barato nga presyo apan wa gyud mahitabo.

Ang uban nagduha-duha man apan nagpasulabi ang ilang pangindahay nga unta matinuod na ug maapil sa makapahimulos sa 20 pesos matag kilo nga bugas.

Sama sa magtiayon nga naa nanimuyo sa kadalanan nikomentaryo nga unta mahatagan og makapalit ang tanan.

Unang gipahibalo ni Laurel nga mahimong pilot area sa maong programa sa gobyerno mao ang rehiyon 6,7,8. (BANAT NEWS)