Pope Francis gilubong na, 170 ka world leaders nitambong

MANILA, Philippines — Gihugopan ang St. Peter`s Square sa libuan ka mga tawo apil ang mga world leaders kagahapon atol seremonyas sa paglubong ni Pope Francis nga namatay niadtong Lunes.

Sumala sa Vatican mokabat sa 200,000 ka mga tawo ingon man 170 ka world leaders ang mitambong sa paglubong sa Santo Papa.

Lakip sa nitambong mao ang presidente sa Argentina, President Javier Milei ug Prince Willian sa Britanya ingon man ang presidente sa Ukraine Volodymyr Zelensky.

Nitambong usab si U.S. president Donald Trump, ug kanhi president Joe Biden, ug president sa Poland Andrzej Duda.

Ang Italian ug Vatican authorities nipatuman og hugot nga seguridad sa maong kalihukan diin naka standby ang mga fighter jets ingon man gipahiluna ang mga snipers sa palibot sa lugar.

Si UN Secretary General Antonio Guterres, ug Giorgia Meloni sa Italy, Emmanuel Macron sa France ug Joseph Aoun sa Lebanon ang mitambong usab sa kalihukan nga gikonsiderar nga labing daku nga diplomatic gathering ning tuiga.

Ang Funeral Mass, gipanguluhan ni Cardinal Giovanni Battista Re ug human sa misa ang lungon ni Pope Francis’ migawas sa St. Peter’s Basilica ug gihatud sa iyang kataposang pahulayan didto sa Basilica of Santa Maria Maggiore sa Rome.

Si Pope Francis, kinsa naila nga nagdumili sa paghukom batok sa mga gay ug divorced Catholics, nagtuo nga ang simbahan "is a home for all", suma pa ni Italian Cardinal Giovanni Battista Re sa iyang funeral homily.

He was driven by "the conviction that the Church is a home for all, a home with its doors always open... a Church capable of bending down to every person, regardless of their beliefs or condition, and healing their wounds", suma pa niya.

Segun sa iyang kagustuhan ang lungon sa Santo Papa hangpon sa pinili nga mga marginalized individuals didto sa Basilica of Santa Maria Maggiore sa dili pa siya hingpit nga ilubong.

Si President Ferdinand Marcos uban sa iyang kapikas Liza Marcos ang mitamong usab sa kalihuhan mihulagway kang Pope Francis nga “the best Pope in my lifetime” ug siya nakadayeg sa kamanggiloy-an ug sa kamapaubsan sa Santo Papa.

Ang Philippine government nideklarar og period of national mourning, diin ang mga bandila gibutang usab sa half-staff, agig pagtahud ni Pope Francis.