Lima ka durugista sikop atol sa buy-bust
CEBU, Philippines — Nadakpan sa kapolisan sa Sawang Calero Police Station sa Cebu City Police Office(CCPO) ang usa ka high value individual atol sa ilang buy-bust operation diha sa Figueroa Street, Barangay Sawang Calero, Siyudad sa Sugbo niadtong Biyernes sa gabii.
Ang suspetsado mao si Ernestjay Bautista Layao alyas “Elvis”, 22-anyos, nagpuyo sa Block 5, Barangay Sawang Calero niining siyudad ug giingong bag-ong identified nga high value individual.
Gikataho nga ang suspetsado usa ka tindero og isda ug mo sideline kini pagka- habal-habal driver.
Nasakmitsa kapolisan gikan sa suspetsado ang 500.5 gramong shabu nga nikantidad ngadto sa P3.5 milyones.
Ang kapolisan nakadawat og taho kabahin sa giingong pagkalambigit sa suspetsado sa ilegal nga drugas ug gikataho usab nga maka- dispose kini og usa ka kilo nga shabu matag semana.
Sa laing bahin, upat ka tawo ang nasikop atol usab sa gipahigayong buy-bust operation sa Philippine Drug Enforcement Agency- 7 Regional Special Enforcement Team uban ang Cebu City Police Station 1 diha sa Sitio Itom-Yuta, Barangay Lorega niining siyudad niadtong Biyernes sa hapon.
Si PDEA-7 acting regional director Alex Tablate nagkanayon nga ang subject sa operasyon ug tigmentinar sa drug den usa ka 50-anyos nga lalaki kinsa walay trabaho.
Lakip usab sa nasikop ang mga parokyano niini nga mga lalaki nga usa ka 62-anyos nga kargador, 49-anyos nga utility worker ug 49-anyos nga walay trabaho, parehong taga Barangay Lorega.
Nasakmit gikan sa mga suspetsado ang 12 ka putos nga shabu nga nitimbang og 16g ramo uf nibalor ngadto sa P109 mil, buy-bust money, foil nga adunay residue ug kagamitan sa pagsuyop og shabu.
Si Leia Alcantara, tigpamaba sa PDEA-7 nagkanayon nga ang suspesado maka-dispose og 15 gramong shabu matag semana ug nadakpan na kini niadtong tuig 2018 gumikan usab sa pagkalambigit sa ginadiling drugas ug nakagawas niadtong Abril 2023. Rowena D. Capistrano (BANAT NEWS)
- Latest
