CPA: Sobra sa 500,000 ka pasahero nisulod ug gawas sa Sugbo
CEBU, Philippines — Sobra sa 500,000 ka pasahero ang natala sa Cebu Port Authority (CPA) nga nisulod ug nigawas sa Sugbo atol sa mga adlaw sa Semana Santa.
Kini ang gibutyag sa tigpamaba sa CPA Maryknoll Bolasa.
Matud ni Bolasa nga gikan sa Abril 13 ngadto sa 20, 2025 nakatala sila 254,445 ka inbound nga pasahero samtang 281,994 ang outbound.
Niabot ngadto sa 536,439 ka pasahero ang nisulod ug nigawas sa Sugbo sulod sa walo ka adlaw.
Si Bolasa nagkanayon ang ang maong mga pasahero nisulod ug nigawas diha sa 16 ka mga pantalan sa Sugbo.
Matud usab ni Bolasa nga sa nilabay’ng tuig ang CPA nakatala lang og 320,054 ka inbound ug outbound passenger panahon sa Semana Santa.
Dugang ni Bolasa nga hapsay ug malinawon ang pagbiyahe sa mga pasahero padulong sa ilang tagsa-tagsa ka mga probinsiya ug pagbalik sa Sugbo. (BANAT NEWS)
- Latest
