Tulo ka tinun-an nalumos, usa namatay

CEBU, Philippines — Usa ka tinun-an ang patay samtang duha niya ka classmates ang naluwas sa dihang sila nangalumos samtang nangaligo sa usa ka beach resort sa Sitio Bantayan, Barangay Tuyom, Dakbayan sa Carcar kagahapon sa alas 12 sa udto, Lunes, Abril 21, 2025.

Ang nakalas mao si alyas Mark, 16 anyos, Grade 11 Student, nagpuyo sa Lower Tawog, Barangay Valladolid, Dakbayan sa Carcar.

Samtang ang mga classmates niining nagpangidaron og 16 ug  18 anyos nga parehong mga babaye.

Base sa inisyal nga imbestigasyon sa kapulisan kauban sa tulo ang mga classmates aron magsaulog sa mga nag-birthday sa buwan sa Abril.

Nangadto sila mabaw nga bahin sa dagat 300 metros gikan sa baybayon, apan naadto sila sa lawom nga bahin ug didto nalumos sa dihang pabalik na sa daplin.

Gitabangan sila sa mga mananagat ug gidala sa baybayon ug gidala sa mga Coast Guard personnel sa Cebu Provincial Hospital-Carcar City apan gideklarar nga patay na si alyas Mark.

Sigon sa caretaker sa maong beach resort wala sila'y standby lifeguard ug nasuta sab sa kapolisan gikan sa mga ginikanan sa tulo nga dili sila makamaong molangoy. (BANAT NEWS)