Nabanhaw nga Jesus magdala og bag-ong kinabuhi
CEBU, Philippines — Gipadayag ni Cebu Archbishop Jose Palma nga si Jesus nga mogawas sa lubnganan magdala og bag-ong kinabuhi human gituman niini ang iyang saad sa pagluwas sa katawhan pinaagi sa pagpakamatay sa krus.
Matud pa sa arsobispo ang tibuok katawhan nga giluwas sa Dios nag awit na karon ug alleluia kay nabanhaw na ang manunubos.
Ang pasko sa pagkabanhaw sumala pa ni Palma, nagpahinumdum kini nga nabuntog sa dios ang sala ug kamatayon pinaagi sa sakripisyo ni Hesus sa krus.
Dugang pa sa Arsobispo nisalig kita nga si Jesus nga mogawas sa lubnganan magdala bag-ong kinabuhi dili lang para niya pero para sa tanang katawhan.
Nipadayag siya nga mag ampo kita nga sa iyang paggawas dala ang bag-ong pagkatawo diin sa atong pag-uban adunay kabag-ohan alang sa tanan.
Malaumon ang arsobispo nga ang tanan mahimo nga bag-ong magtutuo nga magdala sa gugma, pasaylo, paglaum ug maayong buhat para sa tanang katawhan. (BANAT NEWS)
- Latest
