Mga pasahero nga nisud ug nigawas sa Sugbo niabot og 416 mil

CEBU, Philippines — Niabot sa 416 mil ka mga pasahero ang nigawas ug nisulod sa Sugbo base sa talaan sa Cebu Port Authority.

Suma pa sa tigpamaba sa CPA Maryknol Bolasa nga base sa ilang talaan niabot ngadto sa 416, 550 ang mga pasahero nga nisulod ug nigawas sa 16 ka pantalan sulod lang sa unom ka adlaw.

Sumala pa ni Bolasa, sa inbound nakatala sila og 191,826 ka pasahero samtang sa outbound miabot ngadto sa 224,724 kabuok.

Gilauman nga mas modaghan ang mga pasahero karong adlawa tungod sa pagbalik na sa mga pasahero gikan sa bakasyon sa ilang tagsa tagsa ka probinsiya.