Lalaki gidauban ilang payag kay gikasab-an sa inahan

CEBU, Philippines — Nagtingkagol karon sa prisohan ang usa ka 29-anyos nga lalaki kay matud pa gisunog niya ang ilang payag sa Dakbayan sa Naga, Lunes sa hapon human kini gikasab-an sa inahan.

Ang maong suspetsado nakasab-an sa inahan kay gibaligya niini ang ilang mga gipananom sa buki apan giwaldas lang niini sa inom.

Matud pa igo ra siya gipangutana sa inahan kun gihurot ra niya sa inom ang abot sa ilang pananom, apan nasuko kini.

Sumala pa sa inahan nilakaw ang iyang anak ug niadto sa ilang payag ug gisilaban kini hangtud naugdaw.

Dali nangayo ug tabang ang maong ginang sa kapulisan ug gipadakop ang anak. (BANAT NEWS)