Tulfo kalit nibisita sa CNBT, 10 ka bus padalhan og show cause order
CEBU, Philippines — Napulo sa mga bus ang padalhan og show cause order sa Land Transportation Franchising and Regulatory Board-7 tungod sa mga kalapasannga nakita atol sa random inspection ug sa pagbisita usab ni Senador Raffy Tulfo diha sa North Bus Terminal.
Kini ang gibutyag ni LTFRB-7 Director Eduardo Montreal, Jr..
Matud ni Montealto nga ang kasagaran nga kalapasan sa maong mga sakyanan mao nga walay fire extinguisher ug kong aduna man gani expired na kini.
Gikataho nga adunay mga bus nga hilis na usab ang ligid nga nalakip sa padalhan sa show cause order.
Si Montealto nagkanayon nga gihangop nila ang kalit-kalit nga pagsusi sa senador aron ang ilang ulohan nga buhatan makahimo og guidelines nga adunay enhancement tungod kay kauban man nila sa pagsusi sa mga sakyanan kalabot sa road worthiness ang Land Transportation Office.
Gipahibalo ni Montealto nga kadtong padalhan og show cause order aduna na sila’y multa ug tungod kay 1st offense pa man P5 mil pa ang multa gawas lang kong ilaha kining ilalis nganong dili sila angayan pahamtangan ug silot apan base sa pakisusi aduna sila’y kalapasan.
Sa iyang bahin, si Gobernador Gwendolyn nagkanayon nga isip usa ka opisyal sa gobiyerno kinahanglan nga aduna kini igong kasayoran sa usa ka partikular nga sitwasyon una kini mohimo og reaksiyon. Nitubag si Garcia human sa gihimong inspeksiyon ni Tulfo diha sa CNBT diin daghan kining nakita nga kakulian sa mga bus ug sa pasilidad.
"I, ever since I was elected by the people, have made it my supreme responsibility to first, before shooting from the hip, find out the whys and the wherefores, the whats and the whomevers of a particular situation before any reaction can be taken from me", matud ni Garcia.
"Once the public has vested upon us this trust and confidence we cannot be behaving irresponsibly for publicity purposes", dugang ni Garcia. (BANAT NEWS)
- Latest
