Charter day bonus sa mga kawani sa city hall malangan
CEBU, Philippines — Gikatahong mataud-tauran una mahatag ang P35,000 nga charter day bonus alang sa mga kawani sa kagamhanan sa Dakbayan sa Sugbo tungod kay wala pa motubag ang Commission on Elections sa exemption letter ug petisyon nga gipadala ni Mayor Raymond Alvin Garcia niadtong niaging semana.
Matud ni Garcia nga sa unang petisyon wala nila malakip ang pagpakonsidera sa paghatag sa charter day bonus ngadto sa Comelec tungod sa pagtuo nga dili kini maabtan sa election ban.
Gikataho nga nipasalig si Garcia nga mahatag kini sa buwan sa Marso apan tungod sa daghang deliberasyon ug budget hearing nga gibuhat sa konseho sa siyudad nalangay kini kini paghikutar.
Naglaom si Garcia nga makadawat siya og tubag gikan sa Comelec karong semanaha.
Si Garcia gikatakdang subli nga molarga paingon sa kaulohan aron i-follow up ang maong petisyon. (BANAT NEWS)
- Latest
