34 ka empleyado sa Kapitolyo na-promote sa posisyon
CEBU, Philippines — Sigurado na ang security of tenure sa 34 ka empleyado sa Cebu Provincial Capitol human kini sila na-promote ug na-regular ang position sa Probinsiya sa Sugbo.
Ang maong mga empleyado nanumpa kang Gobernador Gwendolyn Garcia diha sa buhatan sa naulahi naidtong Marso 25, 2025.
Apil sa maong mga empleyado ang chief nurse sa Juan B. Dosado Memorial Hospital (Sogod District Hospital) nga si Yons Jurado kinsa na-promote sa trabaho human sa 30 ka tuig niya nga pagserbisyo.
Nagpasalamat si Garcia kang Jurado nga wala kini mobiya sa Probinsiya sa Sugbo ug nagpadayon sa serbisyo.
Si Garcia nipahimangno sa mga bag-ong na-promote ug na-regular nga mga empelyado sa Kapitolyo nga kanunay maninguha ug magkugi sa pagserbisyo sa mga Sugboanon.
“Para sa mga batan-on (nga empleyado) you have been given so much and so soon, ayaw mo pagpadako sa inyong mga ulo, life is a matter of choices, either choose to do what is right, or you choose otherwise. Ang imong choices will define you”, matud ni ni Garcia.
“All that I ask is please tinud-a intawon og trabaho, ayaw mo og isip-isip diha sa oras. Please do your job right, and make me proud, that you belong to this Cebu Provincial Government, the gold standard for all other LGUs. As I said it all starts with you”, dugang ni Garcia. (BANAT NEWS)
- Latest
