CCPO: Tigpaluyo ni Duterte malinawon nga nipahigayon og kalihokan

CEBU, Philippines — Gihulagway sa Cebu City Police Office nga malinawon nga napahigayon sa mga tigpaluyo kang kanhi presidente Rodrigo Duterte ang mga kakihokan nila pagpakita og suporta sa kanhi presidente nga karon atoa sa The Hague, Netherlands human kini  gidakop sa niaging semana.

Matud ni Police Lieutenant Colonel Maria Theresa Macatangay, deputy city director for operations ug tigpamaba sa Cebu City Police Office nga walay mga panghitabo o problema nga nahitabo atol sa pagpahigayon sa kalihokan ug wala usab sila nakabalda sa public order and safety sa Siyudad sa Sugbo.

Nalipay usab ang kapolisan nga nisanong ang organizers sa ilang panawagan nga himuon ang ilang mga kalihokan nga malinawon ug subay sa balaod.

Sayo pa, ang mga dumadapig sa kanhi presidente sa nagkadaiyang parte sa Pilipinas nihimo og mga kalihokan.

Samtang sa habig sa Cebu City Police Office ilang giklaro nga dili pugngan ang mga tawo nga makapadayag sa ilang sentimento basta mosunod lang sa balaod ug dili maghimo og kasamok. BDB BANAT NEWS