Simbahan sa Boljoon gitinguha nga mahimong wedding destination

CEBU, Philippines — Gitinguha karon sa mga opisyal sa lungsod sa Boljoon nga mahimong wedding destination ang Nuestra Señora de Patrocino Church of Boljoon.

Suma pa ni Boljoon mayor Jojie De Rama nga nahinabi sa mga tigbalita nga iyang i-promote nga mahimong wedding destination ang ilang parokya ilabi na kay ang Sugbo numero uno man niini.

Gipasigarbo sa mayor ang ilang parokya gumikan kay usa kini sa dunay longest aisle ug taas ang mahimong mapasohan sa kaslonon.

Sumala pa ni De Rama, kung pilion ang ilang lungsod nga mahimong dapit kung asa ipahigayon ang kasal dili gayud masayang ang moment sa bride nga mopaso nga magsul-ob sa iyang boda.

Ang mayor nipadayag og kalipay sa pag-uli na sa pulpit panel sa ilang lungsod human kini nawala sulod sa dugay nga katuigan.

Gipaabot nila nga modagsa ang mga magtutuo nga mobisita unya sa ilang simbahan ug kabahin usab kini sa pilgrimage church subay sa kasaulogan sa usa ka tuig nga Year of Hope. (BANAT NEWS)