Petisyon sa mayor, opisyales  sa Palompon gibasura sa CA

CEBU, Philippines — Ang Court of Appeals Fifteenth Division nibasura sa petisyon ni Palompon, Leyte dismissed mayor Ramon Oñate ug mga kauban niini nga sila si Margarito Bensig, Jr.,  Esperanza Sumalinog, Emmanuel Laurente, Consuelo Bonhanoy, Ranulfo Gaspan, Sr., Jonathan Yap, Rene Camposano, Alfredo Lubiano, Pablo Chavarria ug Debbie Ann Dignos

Ang resolusyon pagbasura sa petisyon sa maong opisyales giluwatan sa CA Fifteenth Division niadtong Pebrero 14, 2025.

Lakip sa petisyon sa nahisgutang opisyales ang pag-awhag sa CA nga moluwat og Temporary Restraining Order and/or Writ of Preliminary Injunction sa desisyon sa Ombudsman penetsahan niadtong Septiyembre 10, 2024. Ang Ombudsman niluwat og kamandaoan sa pagpahamtang og silot batok sa petitioners sa pagkalagpot nila sa serbisyo ug kanselasyon sa ilang eligibility, pag-forfeit sa ilang mga benepisyo ug perpetual disqualification sa paghupot og katungdanan sa gobiyerno.

Sayo pa, nakita sa Ombudsman nga ang mga respondent guilty kini sa grave misconduct ug serious dishonesty sa misappropriation sa public funds sa pagpalit og fuel, oil lubricant sa tulo ka sakyanan nga dili na maayo.

Si Ian Jay Arevalo ang niduso sa maong reklamo batok sa mayor ug ubang opisyales sa lungsod. —  BDB BANAT NEWS