Bangon Consolacion Movement gilusad aron mangita og kausaban
CEBU, Philippines — Magkuyog ta sa pag bangon Consolacion, kini maoy singgit sa pundok sa Bangon Consolacion Movement atol sa gipahigayon nilang press conference, kagahapon sa buntag.
Ang lead convenor sa grupo sa Bangon Consolacion Movement kanhi Labor Representative ug kanhi konsehal sa barangay tugbongan Joe Tomongha niyagyag sa ilang mga sentimento nga nakita ubos sa pagdumala ni Mayor Nene Alegado.
Lakip sa giyagyag sa grupo ang mga issue apil na ang grabeng kahuot sa dagan sa trapiko sa lugar ug giingong business unfriendly, environmental destruction ug uban pa.
Sumala pa ni Tomongha, maoy ilang tinguha nga ang mosunod nga modumala sa Consolacion, motukod ug people initiatives human dul-an sa 15 ka tuig nga paglingkod sa kasamtangan nga administrasyon wala niini nahatagi og pagtagad ang mga problema sa katawhan.
Si Tomongha, nitug-an ang ilang grupo walay nagpaluyo ug dili pa kaayo daghan nga gilangkuban sa nagkadaiyang sektor sama sa senior citizens, mananagat, ug uban pa diin padayon sila karon sa pagpangumbinsi sa katawhan nga mobarog alang sa bag-ong Consolacion.
Gipadayag ni Tomongha sa pagka karon wala pa silay nakita nga paluyohan nga kandidato ning umaabot nga election. — MEL BANAT NEWS
- Latest



















