Most wanted sikop sa kapolisan sa Abellana Police Station

CEBU, Philippines — Nadakpan sa kapolisan sa Abellana Police Station sa Cebu City Police Office (CCPO) ang Cebu City top 5 most wanted person diha sa Sitio Lower Ponce, Barangay Capitol Site, Siyudad sa Sugbo sa niaging adlaw.

Ang suspetsado giila nga si alyas “Apo”, 30-anyos, nagpuyo sa nahissgutang lugar.

Giimplementar sa kapolisan ang warrant of arrest sa suspetsado sa kasong rape nga giluwatan ni Regional Trial Court (RTC) Judge James Stewart Ramon Himalaloan sa  Branch 7, Dakbayan sa Sugbo niadtong Pebrero 3, 2025.

Walay piyansa nga girekomendar ang korte alang sa temporaryong kagawasan sa suspetsado.

Ang suspetsado natingkagol karon sa detention cell sa Abellana Police Station 2. BDB BANAT NEWS