VECO nipakunhod og P0.13/kWh sa presyo sa kuryente

CEBU, Philippines — Ang mga konsumidor sa Visayan Electric makatagamtam og pagkunhod sa presyo sa kuryente ngadto sa rate nga P0.13/kWh alang sa bayronon gikan sa buwan sa Pebrero hangtud sa Marso nga nikabat ngadto sa P11.13/kWh ang kinatibuk-ang rate.

Kini nagpasabot nga ang usa ka panimalay nga mokonsumo og 200 kWh makadaginot og P26 sa ilang bayranan.

Bisan kong ang mga bayronon sa transmission nisaka  tungod sa uban pa nga  serbisyo ang kasagaran nga mga presyo sa residential nipatuman gihapon sa ubos nga presyo sa elektrisidad sa Wholesale Electricity Spot Market (WESM).

Ang pagkunhod gumikan kini sa Energy Regulatory in Commission's (ERC) Resolution No. 18, Series of 2024 nga nagmando sa mga electric utilities, lakip ang Visayan Electric nga mo isyu og usa ka higayon nga refund nga P0.1101/kWh gikan sa nakolekta kaniadto apan wala magamit nga Regulatory Reset Experts Cost.

Sugod sa Pebrero 2025, ang Visayan Electric dili na mokolekta sa Regulatory Experts Cost nga moresulta sa gamay nga pagkunhod sa P0.0011 sa binuwan nga bayronon .

Ang Visayan Electric padayon nga nagpahinumdom sa mga konsumidor nga magmabinantayon sa ilang paggamit sa kuryente bisan pa sa pagkunhod sa rates.

"As we approach the warmer summer months, it’s important to practice energy conservation", matud ni Visayan Electric President and COO, Raul Lucero.

Giawhag ang mga konsumidor sa pagsagop sa yano apan epektibo nga mga pamaagi sa pagdaginot sa enerhiya sama sa pagtangtang sa koneksiyon sa kuryente sa mga appliances nga wala gamita, paggamit sa mga bombilya nga LED nga episyente sa enerhiya ug pag-maximize sa natural nga kahayag sa adlaw aron makunhoran ang panginahanglan alang sa artipisyal nga kahayag. (BANAT NEWS)