Amahan sa batang naputlan og tiil nidangop sa DOH-7

CEBU, Philippines — Nidangop sa buhatan sa Department of Health Central Visayas ang usa ka amahan aron sa pagduso sa iyang reklamo batok sa Toledo City General Hospital human ang wala nga tiil sa iyang 6-anyos nga anak ang naputol kay na infected ang gitahi nga samad niini.

Kini mialegar nga ang nagtahi sa sama sa iyang anak usa ka nurse attendant niadtong nilabay nga Pebrero 4, 2025.

Ang 31anyos nga amahan Daryl Sam Quimada, nidangop sa DOH-7, Lunes sa buntag aron moduso sa iyang reklamo tungod sa nahitabo sa iyang anak nga lalaki.

Matud pa grabe ang infection nga naangkon niini nga igo ra untang gipatambalanan nila ang nasamad nga parte sa batiis niini kay nasamad og bildo.

Ang alegasyon sa amahan, us aka nurse attendant lang ang niatiman kanila ug maoy nitahi sa samad sa bata ug dili doktor. Matud niya, paglabay og duha ka adlaw imbes nga maayo nilagom ang tiil niini.

Sa dihang ilang  gipa check-up sa tambalanan sa Talisay City girekomendar sa doktor nga ipaputol ang wala nga tiil niini tungod kay nikatap na ang impeksyon. Niadtong Pebrero 8, giputol ang tiil sa anak aron maluwas.

Ang amahan nanawagan gawas sa tabang aron mahatagan og hustisya ang nahiaguman sa iyang anak, nanawagan usab og tabang pinansyal para sa padayon pa nga pagpatambal sa anak.

Ang hepe sa Regulation Licensing and Enforcement Division sa DOH-7 Dr. Annessa Patindol, nibutyag nga magpadala sila og team ngadto sa Toledo alang sa himoon nga fact-finding investigation may kalabutan sa reklamo.

Sumala pa ni Patindol, nga ang operasyon sa hospital ang ilang imbestigahan. Giawhag niya ang reklamante sa pagduol sa Professional Regulation Commission nga maoy angay mohimo ug pakisusi sa doctor-in charge anang adlawa Pebrero 4 ug kung nganong nitugot kini nga nursing attendant ang nitahi sa samad.

Gipadayag ni Patindol, ilahang patubagon ang maong tambalanan may kalabutan sa maong insidente ug kung makatubag ilaha usab pahibaw-on ang amahan sa maong bata.

Ang DOH-7 nagpadala na og sulat ngadto sa Chief sa Hospital sa Toledo City General Hospital Dr. Abjel Khan Espera sa paghatag og pamahayag bahin sa reklamo.

Ang Toledo City General Hospital ang nipagawas na usab sa ilang official statement nga naghimo na sila og ilang kaugalingon nga pakisusi sa hitabo.

Sumala pa sa ilang chief of hospital gisuspensyo na nila ang mga nalambigit nga hospital staff. (BANAT NEWS)