Duha lalaki nasakmitan og drugas ug armas

CEBU, Philippines — Duha ka suspetsadong pusher ang nasakmitan og armas ug shabu atol sa gipahigayong buy-bust operation sa Compostela Police Station kaghapon sa buntag diha sa Purok Philippines, Barangay Cambayog sa Lungsod sa Compostela.

Si Police Captain Lino Tryss Gulvan III, officer-in-chrage sa Compostela Police Station niila sa mga suspetsado nga si  Armed Jie Medillo Juntilla alyas “Medio”, 30-anyos ug Arnold Arthur Monroid Lawas, Jr., 34-anyos, parehong residente sa Purok 1, Sitio Canlingo sa Barangay Sabang, Siyudad sa Danao apan kasamtangang nagpuyo diha sa Estca, Lungsod sa Compostela.

Nasakmit sa kapolisan gikan sa mga suspetsado ang 48 gramong shabu nga nikantidad ngadto sa P326,400 ug  us aka kalibre .45 nga  pistol nga puno sa bala ang magazine niini.

Ang kapolisan nakadawat og taho nga ang duha maoy nagpasiugda og ilegal nga kalihokan diha sa maong luga. (BANAT NEWS)