Patay’ng lawas sa lalaki napalgang naglutaw sa sapa

CEBU, Philippines — Patay’ng lawas sa usa ka lalaking libudsuroy napalgang naglutaw diha sa Kinalumsan River sa Natalio Bacalso Avenue, Barangay Mambaling, Siyudad sa Sugbo kagahapon sa buntag, Dominggo, Pebrero 16, 2025.

Ang maong lalaki giila nga si alyas “Tiyas”, hingkod ang panuigon, nagpuyo sa nahisgutang barangay.

Ang Mambaling Police Station sa  Cebu City Police Office nakadawat og taho gikan sa usa ka concerned citizen kalabot sa napalgang patay'ng lawas diha sa naasoy nga dapit ug dali nila kining girespondehan.

Naabtan sa mga polis nga ang maong lalaki nag-ubo kini nga naglutaw diha sa sapa.

Niabot ang C3 Cebu City ug gi-assess ang maong lalaki apan gideklara kini nga patay na. Base sa imbestigasyon sa kapolisan giingong pasado alas 4:00 sa hapon niadtong Sabado, Pebrero 15, nakit-an ang maong libud-suroy nga natulog daplin sa Kinalumsan Bridge ug gituohan nga aksidente kining nahulog.

Anaa karon ang patay’ng lawas niini sa St. Francis Memorial Homes sa N. Bacalso Avenue,  Dakbayan sa Sugbo ug ipaubos kini sa autopsy. (BANAT NEWS)