Krimen sa Central Visayas nikunhod atol sa Valentines

CEBU, Philippines — Nikunhod ang crime incidents sa Central Visayas niadtong Pebrero 14, 2025, Valentine's Day base sa taho sa Police Regional Office (PRO)-7.

Mapasalamaton si Police Brigadier General Redrico Maranan, direktor sa PRO-7 sa pakig-alayon ug pagsalig sa komunidad.

Sa proactive preparation sa Valentine's Day ang kapolisan niimplementar sa ilang security measures ug padayon nga gi-monitor ang sitwasyon hinungdan sa pagkunhod sa reported crime.  Karong tuiga ang kaso nikunhod gikan sa 15 niadtong 2024 ngadto sa 2 sa 2025 86.67 porysento nga pagkunhod.

Nasayran nga ang pagkunhod gumikan kini sa peace and order operational formula, enhanced police presence inubanan sa quick response time, counteraction batok sa drug groups, criminal gangs ug private armed groups alang sa mas luwas nga region-7.

Matud ni Maranan nga ang pagkunhod sa krimen gumikan kini sa innovative peace and order operational formula sa PRO-7 nga gidensiyo aron masiguro nga mabatyagan sa komunidad nga sila luwas.

Pagpalambo sa presensiya sa kapolisan, quick response time, counteraction batok sa drug-related activities ug criminal gangs ang nakatampo alang sa luwas nga palibot.

“We understand the importance of feeling safe in our community, and we are deeply committed to providing that assurance. Our police force is here to serve and protect, and together, we will continue to work toward a safer Central Visayas", dugabg ni Maranan. (BANAT NEWS)