Top 5 most wanted sikop sa kapolisan sa Bohol

CEBU, Philippines — Pinaagi sa kuti nga imbestigasyon ug coordinated efforts sa nagkalain-lainh police units sa Police Regional Office (PRO)-7 nadakpan nila ang top 5 most wanted person sa niaging adlaw didto sa Lungsod sa Pilar, Probinsiya sa Bohol.

Ang suspetsado gidakop pinaagi sa pag-implementar sa warrant of arrest niini pinangulohan sa Jagna Municipal Police Station inabagan sa Provincial Intelligence Team, Criminal Investigation and Detection Group, Provincial Highway Patrol Team sa Bohol Police Provincial Office ug Regional Intelligence Team-7.

Ang maong warrant of arrest giisyu niadtong Pebrero 11, 2025 sa Regional Trial Court (RTC) Branch 50 sa Lungsod sa Loay, Probinsiya sa Bohol ug walay piyansa nga girekomendar ang korte alang sa temporaryong kagawasan sa suspetsado.

"This arrest marks a significant victory for law enforcement and for the safety of our community. We want to thank the dedicated officers, investigators, and agencies who worked tirelessly to ensure this individual is brought to justice. We also extend our gratitude to the public for their vigilance and assistance", matud ni Police Brigadier General Redrico Maranan, direktor sa PRO-7.

Ang suspetsado natingkagol karon sa custodial facility sa CIDG-Bohol. (BANAT NEWS)