Amnestiya sa mga sakyanan nga na-impound gitinguha sa Mandaue

CEBU, Philippines — Gitinguha karon sa kagamhahan sa Siyudad sa Mandaue nga mopatuman og laing amnesty program alang sa na-impound nga mga sakyanan sukad pa niadtong tuig 2023.

Kini himoon sa kagamhanan alang sa paghatag og kasayon sa pagkuha sa mga tag-iya sa na-impound nga mga sakyan ug ang pagpaluag usab sa kasamtangan nga kahimtang sa impounding area.

Si Hylle Retuya nga maoy head sa Traffic Enforcement Agency of Mandaue (TEAM) ang nisugyot nga pagpatuman og laing amnesty program ug giduso sa konseho sa siyudad alang sa pagsagop niini nga gikatakdang molungtad og tulo ka bulan nga pagpatuman.

Ubos sa maong amnesty program, ang mga tag-iya nga nagtinguha sa pagkuha sa na-impound nilang sakyanan ang mobayad lang og P1,000 ug mahimo na nilang kuhaon ang ilang sakyanan

Ang impounding area sa siyudad sa Mandaue anaa mahimutang sa ground floor sa public maket sa siyudad nga mahimutang sa sitio Tribunal sa Barangay Centro nga kasikbit ra usab sa nahimutangan sa Mandaue Cultural and Sports Complex. —MEL BANAT NEWS