PRO-7 nanghatag og gasa sa  pagsaulog sa Valentine's Day

CEBU, Philippines — Pinalahi ang pagsaulog sa Police Regional Office-7 sa Valentine's Day kagahapon, Biyernes, Pebrero 14, 2025.

Kini tungod kay si Police Brigadier General Redrico Maranan, direktor sa PRO-7 kuyog ang kapikas sa kinabuhi niini nga si Ebeneza Maranan nga nanghatag og gasa ngadto sa non-uniformed personnel ug PNP personnel nga adunay mga gihambin nga mga sakit.

Gasa nga kwarta isip financial assistance ug bugas ang gihatag ngadto nila imbes mga mahalong buwak o chocolates.

Matud ni Brigadier General Maranan nga nangita sila og paagi aron makatabang sa mga personnel gumikan kay mao kini ang ilahang gikinahanglan karon.

Tinguha ni Brigadier General Maranan ug sa iyahang kapikas sa kinabuhi nga makatabang sa mga polis nga nangihanglan.

Gawas niini, ang nagkadaiyang police stations sa Central Visayas nihimo usab og mga pakulo sa pagsaulog sa adlaw sa kasing-kasing sama sa paghatag og mga buwak sa mga motorista, sa mga trabahante ug uban pa.  BDB BANAT NEWS