P284.9M illegal drugs gisunog
CEBU, Philippines — Gihimo kagahapon sa buntag ang drug destruction sa gibanabanang P284.9 milyones nga ilegal nga drugas diha sa Cosmopolitan Funeral Homes sa dalan Junquera, Barangay Kamagayan, siyudad sa Sugbo.
Ang P284.9 million nga drugas gilangkuban sa kapin 41 kilos nga shabu ug 2.5 kilo nga marijuana nga nakompiskar sa mga operasyon sa Philippine Drug Enforcement Agency(PDEA)-7 ug Philippine National Police sa nanglabay nga mga buwan. Kauban sa 41 kilo nga shabu nga gisunog ang 25 kilo nga nasakmit diha sa Pier 4, Barangay Carreta ning siyudad diin nadakpan ang inahan ug anak nga nagdala niini gikan sa Masbate.
Aron pagmatuod nga wala kini gipang-ilisan sama sa mga pagduda sa mga netizens, gi-examine kini sa mga chemists sa PDEA aron ipakita nga shabu kini ug gidauban sa sulod sa incinerator.
"Ako lang i-reemphasize nga naa ni mga court orders ug apil na diri katong 25 kilos nga bag-o lang nato na seized last January 23, 2025 sa port (Pier 4), so we are thankful to Branch 13 kay immediately naay positive action that's why na isyuhan siya og court order," sigon ni PDEA-7 Regional Director Alex Tablate.
"Community rin ang nagsusumbong dahil sabi nga ni Director PDEA ang first line of defense natin ay pamilya at yung pamilya ay nasa barangay kaya ang laban talaga sa drugs is sa barangay first," sigon sab ni PRO-7 Regional Director Brigadier General Redrico Maranan.
Nisaksi sa pagsunog niini si Mayor Raymond Alvin Garcia, DOJ ug media.
Sa pikas bahin, 10 ka durugista ang nasikop sa mga operasyon sa kapolisan sa Talisay diha sa sitio Neighborhood, Barangay Tabunok, Cansojong, Pooc, Poblacion ug Lagtang. (BANAT NEWS)
- Latest
