PRO-7 miimbestigar na sa 2 ka polis nga giingong nangulata
CEBU, Philippines — Nagpahigayon na og administrative investigation ang Police Regional Office(PRO)-7 sa duha ka mga police sa Toledo City Police Station nga giingong maoy responsable sa pagpangulata patay sa usa ka 59-anyos nga libud-suroy.
Una niini, ang NBI-CEVRO miila sa biktima nga si Eliseo Rosento kinsa namatay niadtong August 26, 2024.
Nagkanayon si Police Colonel Arvie Aserre Paraon-Bueno, tigpamaba ni Police Regional Office-7 Director Brigadier General Redrico Maranan nga nagpadayon ang imbestigasyon ug sa mosunod nga mga adlaw mohatag sila og update sa status sa duha ka mga police.
"Currently, sa direktiba ng ating Regional Director Police Brigadier General Redrico Maranan nagsasagawa po ng administrative investigation ang kapolisan", suma pa ni Police Colonel Bueno.
Niadtong Martes gipahibawo sa NBI CEVRO nga ang pamilya sa biktima nidangop sa ilang buhatan niadtong Septiyembre, pipila ka semana human sa matud pa sa krimen.
Unang gi report kini sa Toledo City Police Station nga napalgan sa mga nagpatrolyang police nga unconscious ug nagkadugo, niadtong Agusto 26, 2024 kay matud pa nahulog.
Apan di kombinsido ang pamilya hinungdan nga nagpatabang sila sa NBI Cevro, ug sa mga imbestigasyon ug sa autopsy result nasuta nga namatay sa pagpangulata ang biktima.
Kasong murder ang ilang gipasaka batok sa duha ka pulis ngadto sa Ombudsman, kay ang kremin matud pa nahitabo samtang nagduty ang duha. (BANAT NEWS)
- Latest
