Anak nagbinastos atubangan sa iyang inahan gipadakop

CEBU, Philippines — Balhog sa prisuhan ang usa ka 35-anyos nga lalake nga giingong nagduwa sa iyang kinatawo atubangan sa iyang inahan diha sa sitio Lawis, Barangay Mambaling dakbayan sa Sugbo Martes sa hapon, Pebrero 11,2025

Kini human gipadakop mismo sa iyang 64 anyos nga inahan gumikan kay nahadlok sa iyang gibuhat ug nabalaka na usab sa iyang kahimtang.

Ang 35-anyos nga suspetsado ug ang inahan niini pulos residente ra sab sa naasoy nga dapit.

Gidakop ang suspetsado sa BPSO personnel sa Barangay Mambaling ug gituohan nga sabog kini sa ginadiling drugas dihang nahitabo ang insidente.

Gumikan matud pa sa ka-high sa suspect kini miingon nga "lami kuno motira og 65-anyos".

Matud pa gisigihan na niya og tripping ang iyahang inahan.

Ang inahan desidido nga mopasaka og kaso batok sa iyang anak kay nabalaka na sab sila sa ilang kahimtang.

Ang suspetsado sa iyang bahin mihimakak niini ug miingon nga sulod sa CR siya magbuhat og ingon ana ug dili atubangan sa iyang inahan.

Gani wala man kini nangayo og pasaylo kay sigon pa niya wala siya'y sala nga nabuhat. (BANAT NEWS)