PNP nipahimangno sa publiko paglikay sa love scam
CEBU, Philippines — Ang Cebu City Police Office ug Cebu Police Provincial Office niluwat og pahimangno paglikay nga mahimong biktima sa mga mapahimuslanon niining pagsaulog sa Valentine’s Day karong Biyernes, Pebrero 14, 2025.
Si Police Lieutenant Colonel Maria Theresa Matatangay, deputy city director for operations sa Cebu City Police Office nipahimangno ngadto sa publiko nga magbinantayon aron dili mabiktima sa gugma.
Nanghinaot usab kini nga walay insidente nga mahitabo nga adunay magpakitabang sa kapolisan kay adunay rondahon nga kwarto tungod kay ang pares naghimo og krimen.
Matud ni Macatangay nga ang kapolisan sa Siyudad sa Sugbo andam kanunay sa pagresponde sa mga mangayo og tabang ilabi na sa mabiktima sa online scam.
"Hopefully this coming February 14 everyone will love responsibly nga wala unta’y ma-involve og any ani nga crimes", ni Macatangay pa.
Apil usab sa i-monitor sa kapolisan ang mga magdala og menor de edad ilabi na diha sa mga motel o hotel. Samtang si Police Captain Dun Blane Tabares, public information officer sa CPPO nagkanayon responsableng iselebrar ang Valentine's Day ug hatagan og prayoridad ang kaluwasan.
Giawhag usab nila ang publiko nga dili magpabiktima sa love scams ug bisan unsa pang matang sa pagpang-scam.
"To avoid falling victim we urge everyone to first verify identities before engaging in online relationship, next refrain from sending money to individuals met only through social media or dating platforms and report suspicious activities to the authorities", dugang ni Tabares. (BANAT NEWS)
- Latest
