Pagpamaligya og fire extinguisher sa fire marshals gidili–Remulla
CEBU, Philippines — Si Interior Secretary Jonvic Remulla nipahimangno sa mga opisyal sa Bureau of Fire Protection (BFP) nga gidili ang pagbaligya og fire extinguisher ngadto sa mga negosyante nga gustong mo-apply og permit.
Kini human nasayran ni Remulla gikan kang Lapu-Lapu City Mayor Junard “Ahong” Chan nga daghang mga magpapatigayon ang mireklamo kalabot niini.
“The business sectors are complaining because after the payday, permits for the Bureau of Fires, matagal pa yung pag-i-inspection ng BFP and then meron pa silang idagdag na fees”, matud ni Chan atol sa pakigtigom ni Remulla uban kang Gobernador Gwendolyn Garcia ug sa mga mayor sa Sugbo diha sa Capitol Social Hall niadtong Pebrero 5, 2025. Si Remulla kinsa gikan usab sa local government unit sa wala pa kini nahimong kalihim sa Department of Interior and Local Government (DILG) nagkanayon nga nakasabot siya sa gipadangat nga taho ni Chan diin susama usab ang nahitabo didto sa Cavite dihang siya pa ang gobernador.
Matud ni Remulla nga nahimo na kining practice sa mga fire marshal ang pagbaligya og fire extinguishers nga sobra pa sa orihinal nga presyo.
Kini ang hinungdan nga dihang nahimo siyang secretary sa DILG usa kini sa iyang unang kamandoan ngadto sa BFP.
“I said, starting 2025 bawal na magbenta ng fire extinguisher ang mga fire marshal at kung may ganun i-report nyo kaagad sa’kin, may ganoon na praktis eh, at tatanggalin ko yan on the spot”, padayag ni Remulla.
“Kasi kalokohan nyan eh, they sell the fire extinguishers na four times the price. If you are building a building dapat sa kanila ang kontraktor ng sprinkler, kung may ganun, i-report nyo kaagad”, awhag ni Remulla.
Iyang giawhag ang mga mayor ug magpapatigayon nga moduso og anti-red tape (arta) complaint ngadto sa DILG aron maaksiyonan kini sa ahensiya. BDB BANAT NEWS
- Latest
