Earthquake drill himoon sa kabalayan sa siyudad sa Talisay
CEBU, Philippines — Naglaraw ang konseho sa Dakbayan sa Talisay nga himuon ang earthquake drill sa mga kabalayan.
Kini maoy girekomendar ni konsehal Danny Caballero, chairman sa committee on disaster reliency.
Matud pa ni Caballero nga iyang pakig estoryahan si Alvin Santillana kinsa maoy pangu sa City Disaster Risk Reduction and Management Office kabahin sa maong plano.
Si Caballero nitataw nga nahimo ang earthquake drill sa mga tunghaan ug establisamento pero sa mga sitio wala pa kini mahitabo.
Sigon pa niya nga mas maayo gyud nga adunay kaalam ang matag usa labot sa linog aron aduna kini giya sa mga angay nga pagabuhaton.
Asoy pa ni Caballero nga bisan og kaduha sa matag tuig kini himuon dako na kini og tabang sa katawhan.
Sa nasayran niadtong Enero, usa ka linog ang miigo sa Leyte diin kita dinhi sa Sugbo nakasinati sab sa pagtay-og sa yuta. (BANAT NEWS)
- Latest
