Bag-ong International Container Port tukoron sa Consolacion
CEBU, Philippines — Gikahinangop ni Mayor Teresa Alegado sa Lungsod sa Consolacion ang hingpit nang pagpahigayon sa groundbreaking sa dugay na nga proyekto sa Cebu International Container Port. Suma pa ni Alegado nga ang maong historic milestone dili lang para sa Cebu apan sa tibuok Visayas ug Mindanao.
Human sa pipila ka tuig nga plano ug deliberasyon ug mga nagkadaiyang hagit, hingpit na gayud masugdan ang maong proyekto.
Dugang pa ni Alegado, ang maong proyekto usa kini ka testament sa ilang hiniusa nga vision of progress.
Gipadayag sa mayor nga ang Sugbo maoy sunod nga economic powerhouse ikaduha sa Metro Manila kinahanglan kini nga mapalambo pa pinaagi sa tukma nga infrastructure.
Ang New Cebu International Container Port nga nagkantidad og P16.93 bilyon maoy tubag sa pagsiguro nga ang Sugbo magpabilin nga trade and commerce hub sa Visayas ug Mindanao.
Ang maong Groundbreaking and Capsule laying ceremony sa 25-hectare New Cebu International Container Port Project gipangulohan ni Secretary Jaime Bautista.
Tinguha sa maong proyekto na matubag ang dako nga panginahanglanon sa mas lapad na capacity sa usa ka International cargo port sa Cebu nga nagsilbi nga access port sa Central Visayas ug kasikbit nga dapit. (BANAT NEWS)
- Latest
