Cash aid sa mga PWDs sa Mandaue ihatag karong buwana
CEBU, Philippines — Sugdan karong buwana ang pag apod apod sa tabang pinansyal alang sa persons with disabilities kun PWDs sa dakbayan sa Mandaue.
Suma pa ni Konsehal Jimmy Lumapas nga maoy chairman sa Committee on Social Services sa konseho nga gibahin gihapon sa duha ka hugna ang pagpanghatag.
Karong buwana madawat sa mga PWDs ang unang hugna sa financial aid nga mokabat sa P4,000 ug unya sa buwan sa Nobiyembre madawat na usab ang laing P4,000.
Gipasabot ni Lumapas nga sama sa mga senior citizen ilang gisayo ang pagpanghagtag sa pinansyal nga ayuda karong tuiga sa paglikay sa election ban nga ipatuman sa Commission on Election.
Sa nasayran ang siyudad adunay 7,000 ka mga narehistro nga PWD's ug 30,000 usab ang kinatibuk-ang gidaghanon sa mga narehistrong senior citizen sa dakbayan.
Sa unang hugna sa pagpanghatag sa pinansiyal nga ayuda sa mga senior citizen ilang madawat ang P5,000 ug ang laing P5,000 adto na usab madawat sa bulan sa Nobiyembre ning tuiga. (BANAT NEWS)
- Latest
