Mga kawani sa CDRRMO sa Talisay giila nga highly skilled

CEBU, Philippines — Giila nga highly skilled na ang mga kawani sa City Disaster Risk Reduction and Management Office (CDRRMO) sa Talisay.

Kini human sila nakapasar sa National Certificate (NC3) alang sa emergency medical service. Si Talisay City mayor Gerald Anthony “Samsam” Gullas mapasigarbohon nga nipahibalo niini ngadto sa publiko.

Nalipay siya kay padayon nga nipalambo ang mga sakop sa CDRRMO sa ilang kaalam sa pagtubag sa mga tawo nga nagkinahanglan sa ilang serbisyo.

Si konsehal Danny Caballero, chairman sa committee on resiliency nibutyag nga maghatag kini og dugang pa nga kumpyansa sa mga kawani sa CDRRMO sa ilang pagtubag sa alarma.

Matud pa ni Caballero nga kung unsa man ang nakat-onan nila mapaambit sab kini sa mga sakop sa Community First Responder (CFR) sa kabarangayan.

Nahibaw-an nga matag tuig gyud nga mopaubos sa pagpalambo sa kaalam ang mga kawani sa CDRRMO. (BANAT NEWS)