Programa nga LAB gilusad sa PNP alang sa kapolisan
CEBU, Philippines — Gilusad sa Philippine National Police(PNP) niadtong Biyernes, Septiyembre 6 diha sa PRO-7 Headquarters, Camp Sergio Osmeña ang programang Love and Blessing (LAB). Kini usa ka bag-ong lakang nga nagtinguhang mapalambo ang morale ug welfare sa ilang mga sakop nga nag-atubang og kakulian sa panglawas.
Ang kalihukan gipangulohan ni Mary Rose Marbil, National Adviser sa PNP Officers Ladies Club Foundation Inc. ug kapikas sa kinabuhi ni PNP Chief Police General Rommel Francisco Marbil.
Gitambungan kini ni PRO-7 Regional Director Brigadier General Anthony Aberin, miyembro sa command group ug ubang dinapit nga bisita.
Ang programa nga naila sab sa ngalan nga Love and Blessings gihimo aron magtanyag og emotional support ug practical assistance sa PNP personnel ug sa ilahang pamilya kinsa nag-atubang og health issues.
Nakahatag na ang maong programa og financial assistance ug essential healthcare resources sa 20 ka PRO-7 personnel nga nag-atubang og problema sa panglawas.
Nagpasalamat si Brigadier General Aberin sa OLC Foundation Inc. sa ilang kaayo.
"This support is more than a helping hand; it represents the compassion and solidarity of our community. We hope it brings comfort and relief to our members during their challenging times and reinforces their sense of being valued and cared for by the organization", sigon ni PBGen Aberin. (BANAT NEWS)
- Latest
