14 ka organisasyon gihatagan sa DSWD og kontrata alang sa EPAHP
CEBU, Philippines — Gihatagan sa Department of Social Welfare and Development (DSWD) og P28.5 milyones nga kontrata ang 14 ka community-based organizations (CB0s) sa Central Visayas nga gi-endorso sa programa nga Enhanced Partnerships Against Hunger and Poverty (EPAHP).
Matud ni EPAHP Focal Person Lovelyn Garcia nga tumong sa ilang pakig-alayon sa mga CBO mao nga masiguro ang food security, mapakunhod ang kapobrehon, ug mapalambo ang lokal nga ekonomiya sa komunidad.
Ang pamaagi sa pagpalit nga gigamit mao ang Negotiated Procurement Community Participation (NP-CP), nga nagtugot sa gagmay nga organisasyon nga moapil sa government procurement nga dili na kinahanglan moagi og competitive nga proseso sa bidding.
Ubos sa programa, 14 ka CBOs ang kwalipikado nga mo supply og food items para sa Cycle 14 nga pagpatuman sa 120 ka adlaw nga Supplementary Feeding Program (SFP) alang sa mga bata sa daycare.
Ang nakadawat sa kontrata mao ang Catarman Market Vendors Association (Dauis), Cawayan Sustainable Livelihood Program Beneficiaries Association (Inabangan), Bohol DAR Employees and Communities Multi-Purpose Cooperative (Tagbilaran City), ug Bohol Bayanihan (Bangon Yanong Igsoon Haligi ka sa Nasud) Multi-Purpose Cooperative (Talibon) sa Bohol; Carcar Communities and Farmers Multi-Purpose Cooperative (Carcar), Compostela Market Vendors Multi-Purpose Cooperative (Compostela), Lamac Multi-Purpose Cooperative (Pinamungajan).
Apil usab ang Sibonga Multi-Purpose Cooperative (Sibonga), San Roque Women Action for Progress Community Multi-Purpose Cooperative (Talisay City), ug First Consolidated Along Tafion Seaboards (Toledo City) sa Cebu; Amlan Multi-Purpose Agricultural Cooperative (Amlan), San Julio Agrarian Reform Beneficiaries Cooperative (Tanjay City), Bonbonon Farmers Agrarian Reform Multi-Purpose Cooperative - Head Office (Siaton), ug Bonbonon Farmers Agrarian Reform Multi-Purpose Cooperative – Zamboanguita Branch (Zamboanguita) sa Negros Oriental; ug ang Alang sa Tanan Multi-Purpose Cooperative (Siquijor Cooperative) sa Siquijor. —MEL BANAT NEWS
- Latest
