DepEd ug Khan Academy nigama og MOA alang sa digital learning
CEBU, Philippines — Nagtambayayong ang Department of Education (DepEd) ug Khan Academy Philippines Inc. pinaagi sa paggama og memorandum of agreement (MOA) aron mas daghang estudyante ang mahatagan og access sa mga digital learning content.
Ang pagpirma sa MOA gipahigayon sa DepEd Central Office ug gipangulohan nila ni DepEd Secretary Sonny Angara, Undersecretary for Curriculum and Teaching Gina Gonong, Khan Academy PH President and CEO Geraldine Acuña-Sunshine ug Trustee and COO Myrish Cadapan-Antonio.
Gidayeg ni Angara ang Khan Academy nga nagpakita sa personal nga pagtudlo pinaagi sa paggamit sa teknolohiya aron suportahan ang mga estudyante, ginikanan, ug magtutudlo.
Pinaagi sa pagtambayayong mas mapalig-on pa ang sukaranan nga kahanas sa mga estudyante sa numeracy ug literacy pinaagi sa sulod sa online nga kurso sa Khan Academy.
Ang roll-out sa partnership gilaoman nga makapili og pilot school pinaagi sa usa ka set sa criteria nga makabaton sa unang pagtan-aw sa Khan PH.
Ihatag usab sa DepEd ang paghubad sa sulod sa plataporma aron masiguro nga ang mga Filipino nga estudyante ug magtutudlo makapalapad sa mga kurso nga itanyag sa Khan PH.
Matud ni Acuña-Sunshine makatabang kini sa mga magtutudlo sa pagtudlo nga mas maayo, magtugot sa daghang paagi alang sa mga estudyante sa pagkuha sa mga subject ug sa pagsabot niini sa laing paagi.
Aron masiguro ang pag-uswag ug mas maayong resulta, ang DepEd mohatag dayon sa finalization sa learning materials alang sa grade 10 MATATAG Curriculum, sukdon ang kaandam sa mga eskwelahan alang sa pilot run sa Khan PH nga programa ug hisgotan ang mga limitasyon sa DepEd Learning Management System (LMS) aron ma-accommodate ang plataporma sa Khan Academy. (BANAT NEWS)
- Latest
