^

Banat Balita

Lalaki gipusil patay; suspek sa pagpusil sa barangay official nailhan na

Banat

CEBU, Philippines — Patay ang 30-anyos nga lalaki human kini pusila sa wala mailhing kriminal diha sa Barangay Umapad, Dakbayan sa Mandaue niadtong Martes sa udto.

Ang biktima giila nga si Marlon Lañuza, adunay kapuyo ug anak, trabahante sa usa ka junk shop nga gipanag-iyang pamilya, residente sa nahisgutang lugar nakaangkon og mga samad pinusilan sa lain-laing parti sa lawas.

Si Lañuza daling gidala diha sa Maayo Hospital apan gideklara kini sa doktor nga patay na nga naabot sa maong tambalanan.

 Base sa imbestigasyon sa kapolisan nga ang biktima nagbarog diha duol sa iyang trabahoan diin kalit lang nitungha ang usa ka motorsiklo ug ang angkas niini nihulbot og pusil deretso nga nipusil ngadto sa biktima.

Ang kapolisan sa Mandaue Police Station 5 daling niresponde human nakadawat sa maong alarma mga ala 1:00 sa hapon uban ang Scene of the Crime Operation.

Gituohan nga personal nga bangi ang hinungdan sa maong pagpamusil.

Nakuha sa kapolisan gikan sa lugar nga nahitaboan ang walo ka kabhang sa bala sa kalibre .45 nga pistola.

Sa laing bahin, nailhan na sa kapolisan sa Police Station 11 sa Cebu City Police Office ang suspetsado sa pagpusil patay sa usa ka admin officer 3 sa Barangay Mambaling diin ang insidente nahitabo niadtong Lunes sa hapon diha sa Sitio Micabaja, Barangay Duljo Fatima, Siyudad sa Sugbo.

Ang biktima nga si Edward Abayan, hingkod ang panuigon, residente sa Sitio Puntod, Barangay Mambaling giulo pagpusil sa suspetsado samtang nagkaon kini diha sa usa ka karenderiya.

Matud ni Police Lieutenant Colonel Janette Rafter, deputy city director for administration sa CCPO nga nailhan na nila ang suspetsado sa krimen apan wala una nila gibutyag ang pangalan niini.

Ang kapolisan gikatakdang mopasaka og kasong murder batok sa suspetsado sulod niining semanaha.

“Ilang i-connect kong kanos-a available ang pamilya para makaproseso na sila sa complaint”, padayag ni Rafter. —John Mark Dejito PIT-Intern, Romeo T. Limpangog ug Decemay P. Padilla/BDB BANAT NEWS

vuukle comment

PATAY

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with