^

Banat Balita

Nibaligya og asin inay nga shabu gibalikan gipusil

Decemay P. Padilla - Banat

CEBU, Philippines — Nalandig sa tambalanan ang usa ka 26- anyos nga tricycle driver human gipusil kini sa riding in tandem diha sa Barangay Balud, Lungsod sa Dalaguete, pasado alas-10 sa buntag sa adlaw’ng Huwebes, Hunyo 13, 2024.

Ang biktima usa ka 26 anyos, tricycle driver ug residente sa naasoy nga dapit samtang ang mga mamumuno nailhan nga si alyas Junjun Pepito nga taga Sitio Poo, Barangay Langkas ug ang kauban niining padayon pang giila nga taga Barangay Poblacion sakop sa nahisgutang lungsod.

Sa imbestigasyon sa kapulisan sa Lungsod sa Dalaguete, samtang nagmaneho sa iyang tricycle paingon sa Barangay Poblacion kalit kining gisabayan sa mga suspek ug gipusil ang biktima gamit ang wala pa matino nga kalibre sa armas.

Naigo ang biktima sa iyahang liog ug karon nagpaalim na kini sa tambalanan.  Human gihimo ang krimen daling misibat ang mga suspetsado paingon sa Barangay Jomaylon.

Gumikan kay nakasulti man ang biktima sa nahitabo nakapahigayon dayon og hot pursuit operation ang kapulisan nga miresulta sa pagkasikop sa driver sa motorsiklo nga giingong maoy mibanhig sa biktima. Sa pakisusi sa kapulisan nasubay nila nga personal grudge ang rason nganong gipusil ang biktima.

Apan gitan-aw sab nila kun nalambigit ba sa illegal nga drugas ang biktima tungod kay dunay taho nga nasuko matud pa ang mga suspetsado kay asin ug dili shabu ang gihatag sa biktima nga ilang gipalit gikan niini.

“Amo nang gipangutana gahapon sa katong dinakpan unya dili man niya i-confirm, unya ang mga silingan mao lagi na nitumaw ang mga istorya kanang bahin anang sa drugs. But amo pa gikuan ang biktima, ug maistorya namo puhon og unsa gyud but as of now dili pa namo ma confirm kung kanang regarding sa drugs ba maoy hinungdan sa pagpamusil,” asoy ni Police Major Vincent Zozobrado sa interbyu sa dySS Super Radyo Cebu. --  IBM BANAT NEWS

vuukle comment

SHABU

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with