Seguridad sa Palarong Pambansa pahugtan – CCPO

CEBU, Philippines — Usa sa gipangandam sa Cebu City Police Office sa umaabot nga Palarong Pambansa 2024 nga walay mga bati nga insidente nga motumaw sama sa adunay mabiktima sa kawat ug uban pang matang sa krimen.

Ang Siyudad sa Sugbo maoy host karon sa Palarong Pambansa 2024 nga magsugod sa Hulyo 9 hangtud sa 16, 2024.

Matud ni Police Lieutenant Colonel Janette Rafter, deputy city director for administration nga wala sila’y impormasyon nga nakuha nga adunay mga badlongong gikan sa laing lugar nga modayo sa Sugbo atol sa maong kalihokan.

Si Rafter nagkanayon nga higpitan nila ang seguridad aron ang mga atleta, ilahang pamilya ug ang mga manan-away dili mabiktima sa mga badlongon.

Gibutyag usab ni Rafter nga padayon ang ilahang plano alang sa seguridad sa Palarong Pambansa 2024. (BDB) BANAT NEWS