^

Banat Balita

‘Tirador’ nadakpan sa  buy-bust

Decemay Padilla - Banat

CEBU, Philippines — Nadakpan sa Police Station 6 sa Cebu City Police Office(CCPO) ang gitumbok nga notadong tirador  sa gipahigayong buy-bust operation sa Block 5, Sawang Calero, Siyudad sa Sugbo sa miaging adlaw.

Ang nadakpan mao si alyas Mata, 18 anyos, nagpuyo sa Sitio Balangkapuna, Barangay Sambag 1.  Apil sab sa nasikop ang iyahang kauban nga si alyas Gero, 27 anyos, nagpuyo sa Sitio Maharlika, Barangay Sambag 2.

Gawas sa 14.18 grams sa gituohang shabu nga nagkantidad og kapin P96,000 nakuhaan sab sila og armas nga kalibre. 45 nga dunay mga bala.

Sa imbestigasyon sa Police Station 6 si alyas Mata matod pa maoy responsable sa pagpamusil sa Guadalupe ug ubang lugar sa siyudad sa Sugbo ng adunay koneksyon sa ilegal nga drugas.

Bayran lang matod pa siya og P25 mil ngadto sa P30 mil kun mahimo niya iyahang trabaho pagpatay sa mga drug personalities nga wala maka-remit sa halin sa ilegal nga drugas o kakompetinsiya. Padayon pa ang imbestigasyon sa kapulisan aron masuta og unsa pay mga nahimong krimen sa suspek.

Samtang wala makaipsot ang giingong tighatud og ginadiling drugas atol sa buybust operation sa Drug Enforcement Unit sa Police Station 4 sa Mandaue City Police Office (MCPO) diha sa Pilapil Barangay Casuntingan niadtong Miyerkules sa gabii.

Ang dinakpan nailhan nga si Christopher Caparida Alforque,20, taga Sitio Tarcom, Barangay Lahug, Siyudad sa Sugbo.

Matud pa nga dugay ng gipanid-an ang suspek kay pirmeng mogawas ang pangalan niini sa imbestigasyon sa nangaging mga operasyon kontra ilegal nga drugas.

Apan si Alforque nangangkon nga sa miaging buwan pa siya na sulod sa illegal nga kalihokan, matud niya P2 mil ang suhol kaniya.

Nakuha gikan kaniya ang tulo ka dagkong putos nga moabot 320 gramos nga mobalor og kapin sa P2.1 milyones nga gisulod sa belt bag. Sa laing operasyon, dul-an sa usa ka milyon ka pesos nga shabu ang nasakmit sa kapolisan sa Dakbayan sa Talisay gikan sa duha ka durugista diha sa Sitio Kaduldulan, Barangay Lawaan 3 kagahapon sa kaadlawon.

Ang subject sa operasyon mao si alyas Bebang, 34 anyos nga usa ka gwardya,samtang ang iyang kauban mao si alyas Toto, 43 anyos nga usa ka electrician. Ang duha nakuhaan og drugas nga nitimbang og 145 gramos nga adunay gibana-bana nga balor nga P986 mil.

Dugang operasyon sab ang gihimo sa mga sakop sa Philippines Drug Enforcement Agency (PDEA)-7 sa usa ka drug den sa A. Lopez St., barangay Labangon sa Dakbayan sa Sugbo, alas -7 sa gabii, adlaw nga Miyerkules.

Ang subject sa operasyon mao si Rey-Jan Jalo-ag, 38, giingong nagmentinar sa maong drug den ug ang duha ka construction workers nga silang  John Pateño, 31, ug John Marvel Punay, 30. Upat ka paketeng gituohang shabu nga motimbang og 12 ka gramos, buy-bust money, ug mga drug paraphernalia ang nasakmit gikan kanila.

Ang mga dinakpan  pasakaan og kasong paglapas sa Sections 5, 6, 7, 11, ug 12, Article II sa Republic Act (RA) 9165 . —Romeo Marantal, Gabriel Bonjoc, Romeo Limpangog, John Geron Encabo, Irish Laborte (BANAT NEWS)

vuukle comment

ARRESTED

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with