^

Banat Balita

163 ka tawo sikop sa SACLEO sa LCPO

Decemay P. Padilla, Romeo T. Limpangog - Banat

CEBU, Philippines — Nadakpan sa usa ka adlaw nga Simultaneous Anti Criminality Law Enforcement Operation (SACLEO) sa Lapu-Lapu City Police Office (LCPO) ang 163 ka tawo gumikan sa lain-laing kalapasan nga  ilang nahimo.

Si Police Lieutenant Colonel Christian Torres, tigpamaba sa LCPO nagkanayon nga ilang gihimo ang usa ka adlaw nga SACLEO niadtong Hunyo 9, 2024

Matud ni Torres nga naglakip sa ilang mga nadakpan ang upat ka suspetsadong drug pusher nga parehong giila nga street level individual (SLI) ug duha ka wanted persons.

Dugang nadakpan ang 46 ka tawo nga naaktohan sa nagpatrolya nga kapolisan tungod sa pag-inom og ilimnong makahubog diha sa publikong lugar

Samtang 83 usab ka tawo ang nadakpan nga nagpabulhot sa ilang aso sa sigarilyo diha gihapon sa publikong lugar.

Sa laing bahin, unom ka giingong usher sa ilegal nga sugal nga swertres ang nadakpan sa managlahi nga operasyon sa kapolisan sa Probinsiya sa Sugbo.

Upat ang nadakpan sa Dakbayan sa Carcar, usa sa Lungsod sa Carmen ug usa usab ang nasikop sa Lungsod sa Dalaguete.

Ang mga nadakpan sa Dakbayan sa Carcar mao sila si alyas “Flor”, 33-anyos, taga Barangay Guadalupe; alyas “Rey”, 48-anyos, molupyo usab sa Barangay Guadalupe; alyas “Yna”, 54-anyos, residente sa Barangay Perrelos ug alyas “Lisa”, 54 anyos, nagpuyo sa Barangay Valladolid.

Samtang sa Lungsod sa Carmen ang nadakpan mao si alyas “Roy”, 23-anyos, nagpuyo sa Barangay Dawis Sur.

Sa Lungsod sa Dalaguete mao si alyas “Mae”, 33-anyos, residente sa Barangay Casay.  Nakuhaan gikan sa mga suspetsado ang mga illegal gambling paraphernalia sama sa stub nga adunay carbon paper, kwarta nga pusta, ballpen ug uban pa.

Ang suspetsado gikatakdang pasakaan og kaso sa nahimo nila nga kalapasan. (BANAT NEWS)

vuukle comment

LCPO

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with