^

Banat Balita

State of Calamity gideklarar sa tibuok probinsiya sa Sugbo

Le Phyllis F. Antojado-Orillaneda - Banat

CEBU, Philippines — Opisyal na nga gideklarar sa hunta probinsyal ang state of calamity lukop lalawigan sa Sugbo tungod sa grabeng epekto sa El Niño sa nagkadaiyang sektor sa Probinsya.

Ang maong deklarasyon gipaagi sa usa ka resolusyon nga gipasar sa provincial board kagahapong adlawa Mayo 20, 2024 human usab unang namahayag si gobernador Gwendolyn Garcia nga iyang ipaubos sa state of calamity ang tibuok lalawigan tungod sa huwaw.

Ang lalawigan sa Sugbo dugay ra nakasinati og grabeng kainit sulod na sa pipila ka bulan.

Gani base sa partial nga datus sa Provincial Agriculturist's Office moabot na sa P176.8 milyon ang kantidad sa danyos sa mga tanom ug aquafarms ug 12, 312 usab ang apektado nga mananagat ug mag-uuma sa 32 ka lungsod ug siyudad sa Probinsya.

Sa resolusyon sa Sangguniang Panlalawigan nga gipangamahan ni bokal Victoria Corominas -Toribio, ang grabeng kainit maoy hinungdan sa mga grass fires ug forest fires sa probinsya.

Ang Provincial Disaster Risk Reduction and Management Office (PDRRMO) ang nakatala usab og laing-laing kadaut mugna sa huwaw sa ubang sector sa kalungsuran ug mga syudad.

Ang PDRRMO mao ang nirekomendar og “urgent declaration” sa state of calamity sa probinsiya.

Ang grabeng kainit nakaapekto ug nakahatag og risgo sa mga tawo ug propedad ug nakita sa mga magbabalaod nga angayan na nga modeklarar og state of calamity sa lalawigan.

vuukle comment

SUGBO

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with