^

Banat Balita

P5.7 milyong shabu nasakmit

Decemay P. Padilla - Banat

CEBU, Philippines — Ang kapulisan sa Central Visayas nakasakmit og 762 gramong gituohang illegal nga drugas nga nagkantidad og P5.1 million sa usa ka adlaw lang nila nga operasyon niadtong Abril 19, Biyernes.

Upat ka mga drug suspects ang nadakpan sa maong adlaw ug gipasakaan og kasong kalapasan Sections 5 ug 11, Article II sa Republic Act 9165 kun Comprehensive Dangerous Drugs Act of 2002.

Si Police Regional Office-7 Regional Director Brigadier General Anthony Aberin mitataw nga ang pagkompiskar sa maong mga drugas resulta kini metikulosong pagplano ug intelligence-driven operations sulod sa pila ka semana.

"The arrest and seizures is a proactive law enforcement strategy to deny the proliferation of illegal drugs in Central Visayas through the conduct of an aggressive and relentless anti-drug campaign in accord with the law, rules, and regulations," sigon ni Aberin.

Sa Talisay City, sa alas 9 sa buntag sa adlaw'ng Biyernes, usa ka joint operation ang gipahigayon sa Provincial Drug Enforcement Unit ug Talisay City Police Station, Cebu Police Provincial Office diin nadakpan ang 38-anyos nga suspetsado ug nakuhaa  og 150 grams nga shabu nga nibalor og kapin P1 million.

Duna say gihimong operasyon sa Dumaguete City diin 311.94 grams nga shabu nga nagkantidas og P2.1 million ang nakuha gikan kang alias Elmer sa Purok Maisan, Barangay Camankac.

Ang Dumaguete City Police Station, PNP Drug Enforcement Group, Special Operations Unit 7, ug Dumaguete Maritime Police Station ang nihimo sa operasyon sa alas 9:19 sa gabie sa samang adlaw.

Samtang sa Mandaue City sa alas 10 sa gabie, ang nga operatiba sa City Intelligence Unit ug City Drug Enforcement Unit sa Mandaue City Police Office nakakompiskar og 300 gramos nga shabu nagkantidad og kapin P2 million diha sa Logarta Street, Barangay Subangdaku.

Dayon ang Talisay City Police Station nakasakmit og 55 grams nga shabu nga nagkantidad og P374, 000 sa Sitio Ilang-ilang, Barangay Lagtang, Talisay City nga niresulta sa pagkasikop ni alias Renren.

Ang tanang mga suspects naa karon sa kustodiya sa kapulisan ug ang mga nakompiskar nga mga drugas gitugyan sa Regional Forensics Unit alang sa analysis.

Sa laing bahin, nadakpan sa buy-bust operations sa Philippine Drug Enforcement Agency (PDEA)-7, Regional Intelligence Unit sa Police Regional Office-7 ug Catmon Municipal Police Station ang usa ka Regional Target-Listed drug personality atol sa ilang buy-bust a Barangay Corazon, Lungsod sa Catmon, pasado alas-6 sa gabii sa Sabado, Abril 20.  Nadakpan ang suspetsado nga si Erwin Dagatan, 38, nagpuyo sa Magay, Lungsod sa Compostela.

Nasakmit atol sa operasyon ang 100 grams sa gituohang shabu nga nagkantidad og P680, 000, buy-bust money, cellphone, ug usa ka sports utility vehicle.

Nasayran nga gipaubos sa unom ka buwan  nga case build up ang dinakpan human madawat og impormasyon nga kini nalambigit matod pa sa illegal nga drugas.

Nahibaw-an sa mga operatiba nga maka dispose og 500 grams sa gituohang shabu kada semana ang suspetsado.

Ang area of distribution niini mao ang Compostela ug ubang lungsod sa Northern Cebu.

Kasong kalapasan sa Section 5, Article II sa Republic Act 9165 ang ipasaka batok sa mga dinakpan. (BANAT NEWS)

vuukle comment

DRUGS

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with