^

Banat Balita

The Freeman Business Forum 2024: Paglambigit sa tanan yawe sa malambuong turismo

Banat

CEBU, Philippines — Ang Sugbu maoy pirmeng mag-una, dili mangopya ug mao pa hinuoy gihimong sumbanan sa uban. Mao kini ang pulong ni Cebu Governor Gwendolyn Garcia atol sa The Freeman Business Forum 2024 kagahapon diha sa Bai Hotel sa Mandaue City.

Si Garcia miwadwad sa mga gihimong inisyatiba sa Sugbu sa pagpalambo niini sa turismo, ug usa niini ang iyang 'Suroy Suroy Sugbo' nga nabantog dili lang dinhi kondili sa uban sab nga mga lugar ug gawas sa nasud.

Ang maong inisyatiba programa sa gobernador aron mailhan ug ipaila sa tanan ang mga nindot nga mga tourist destinations sa probinsya nga kaniadto wala gani igdungog sa mga tawo.

Matud sa gobernador ang tumong sa Suroy-Suroy dili lang pagpaila ug pagpakita sa mga nindot nga mga talan-awong lugar sa probinsya kondili aron pud molambo ang mga komunidad sa maong lugar pinaagi sa pagpanginabuhi pinaagi sa turismo.

“If you go to the provinces, towns, and cities of the province, you will see just how there is this feeling of hope – hope of better and better things to come – because we have shown that indeed through tourism, people’s lives can improve and be better," matud pa sa gobernador sa iyang pamahayag.  Gusto sa gobernador nga hatagan matiman-an ang Sugbu kun maghisgot na gani og turismo.

“If we speak of tourism, we speak about Cebu. We have the accessibility factor. We have international and local airports. Both airports have the most connectivity both domestic and international flights second to Manila,” matud pa niya.

Matud niya ang Suroy-Suroy wala lamang nakapalambo sa turismo kondili nakatabang kini sa pagdako sa ekonomiya sa lalawigan. Ang probinsya maoy kinadatoan nga probinsya sa tibuok nasud karon.

“Ang Sugbo walay sama, dili mangupya. Kay ang Sugbo maoy sumbanan,” puno pa niya.

Sa pikas bahin, si Miguel Belmonte, ang Philippine Star Media Group and The Freeman Newspaper President and CEO sa iyang  welcome message kagahapon miingon nga haom kaayo ang panahon karon nga hisgutan ang turismo karon nga ang industriya nagtinguhang makabangon karong tuiga 2024.

“With the concerted efforts of our Department of Tourism under the very able leadership of Secretary Christina Frasco together with all tourism stakeholders from government and the private sector, the country is poised to attain record arrivals and receipts this year, or at the very least reset our tourism numbers to pre-pandemic levels,” matud pang Belmonte.

Sumala pang Belmonte walay laing dapit sa nasud aron himuon kining maong forum kondili dinhi lamang sa Sugbu tungod sa katahom niini, daghang atraksyon, abunda sa kabilin ug anaa ang tanang elemento aron matawag kining “Philippines' No. 1 tourist destination.”

Matud niya, isip pinakadato nga probinsya sa Pilipinas, naa tanan ang potensiyal sa Sugbu aron makaagni og mamuhonan sa turismo.

“Beyond the bright prospects, however, much still need to be done for Cebu's tourism to flourish. The needed infrastructure has to be put in place. We need to empower our local communities for the industry to thrive, and alongside this, promote tourism education to further deepen appreciation for Cebu's history and heritage,” puno pang Belmonte.

Ang maong The Freeman Business Forum nagdala sa tema nga "Trends that Shape Cebu's Tourism Landscape”gitambongan og mga inilang mga nalambigit sa pamatigayon dini sa Sugbu ug ingon man ang mga nagkadaiyang tourism officers tibuok probinsya. Giorganisar kini sa  PhilStar Group pinangulohan sa The Freeman  isip kabahin sa mga kalihokan niini alang sa umaabot nga ika-105 nga kasumaran gikan sa pagkatukod sa maong pamantalaan karong Hulyo.

Apil sa mga speakers sa forum naglakip nilang Tuburan Mayor Aljun Diamante, kinsa maoy founder sa Tuburan Coffee ug nanagiya sa Tuburan 360 and Diamante Group of Companies; Sunshine B. Lim, College President  and School Executive Director of Sto. Niño Mactan College and Sto. Niño Mactan Montessori School;  Samantha H. Manigsaca, Asset Manager for Hotels, AppleOne Group; and Maria Asuncion A. Canen, Converge - Assistant Vice President and Head for Enterprises Sales VisMin.  Si Diamante miingon nga mahinungdanon kaayo nga sa turismo ilambigit gyud ang katawhan aron sila maapil sa mabulahan pinaagi sa panginabuhiang konektado sa turismo sa ilang lugar. 

Samtang si Lim nituki bahin sa tukmang kaalam bahin sa turismo  samtang si Manigsaca nihisgot bahin sa mga potensyal sa pagbubo og puhonan sa real state. Samtang si Canen sa Converge mihisgot kabahin sa kamahinungdanon sa internet sa kinabuhi sa tawo karon nga nakatabang sab sa pagpalambo sa turismo pinaagi niini.— IBM BANAT NEWS

vuukle comment

TOURISM

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with