^

Banat Balita

Upat ka barangay sa Talisay nagkuwang na og tubig

Gabriel C. Bonjoc - Banat

CEBU, Philippines — Upat ka barangay sa Talisay ilabi na sa bukirang bahin ang nakasinati na sa kakuwang sa tubig.

Giangkon sa City Disaster Risk Reduction and Management Office nga niadto pang buwan sa Disyembre nabatyagan ang epekto sa huwaw sa barangay Manipis, Linao, Maghaway ug Tapul.

Si Vevilyn Dacanay, residenti sa barangay Tapul nitug-an nga aron lang ilang madaginot ang tubig, ginagmay nga balde lang ang iyang kuhaon aron magamit sa kusina.

Ang tubig nga gigamit sa paglaba ang gitigom usab nila aron maoy gamiton sa pagbanwas sa pansayan.

Matud pa ni Dacanay nga nihit na gyud ang tubig sa pagsud sa buwan sa Enero.

Si kapitan Mary Ann Nolasco sa Tapul nibutyag nga kausa sa usa ka semana sila matagaan og rasyon nga tubig gikan sa kagamhanan.

Siya nanguinaot nga kung mahimo makaduha ka higayon sila matagaan og rasyon sa tubig.

Pero samtang wala pa kini mahitabo nangita rasab sila og paagi nga makatubig pinaagi sa pagsawod diha sa mga nagtubod.

Ang gawas sa kabalayan makita ang gipundo nga mga drum o container nga masudlan sa tubig aron dali sa pagsawod sa panahon nga maabot ang rasyon.

Sa Tapul, gipahimutang ang bladder nga kapundohan sa 10,000 litros nga tubig aron dinhi na mokuha og tubig ang mga residenti.

Si Alvin Santillana, pangu sa CDRRMO niingon nga karong semanaha ilang paningkamotan nga magamit na kini.

Asoy pa niya nga niepekto na gyud ang El Niño Phenomenon sa buwan sa Disyembre.

Si mayor Gerald Anthony “Samsam” Gullas nibutyag nga kaniadto request lang ang ilang basehan sa paghatag og ayuda nga tubig.

Apan karon ila na gyud kini nga eskedyul diin nagkinahanglan sab sa pagpalit og dugang tanker sa tubig. (BANAT NEWS)

vuukle comment

WATER

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with